قلت من ذيك الصبيه قالوا مـن احلـى الصبايـا |
قلـت اقـول الله يخليـهـا لعـيـنٍ ترتجيـهـا |
طلـهٍ مـا استوعبتهـا لا العيـون ولا المرايـا |
كـم تعدتنـي وانـا مـا كنـت والله مهتويـهـا |
مادريت الا وهـي مثـل النفـس بيـن الحنايـا |
ان شهقت اموت منها وان زفرت امـوت فيهـا |
اثرها يوم انـي اجمـع مـا بقالـي مـن بقايـا |
عشعشت في بالي المحروسـه اسـم الله عليهـا |
طفلـهٍ قدامهـا طفـل سـرق همـس الشفايـا |
كـل همـه كلمـه مـا كـل الافـواه تحكيهـا |
كنهـا فـي ضحكهـا عيـد وزغاريـد وهدايـا |
كنهـا فـي حزنهـا عيـنٍ حورهـا مكتسيهـا |
بانه اللـي فـارقٍ طولـه مسـوي بـي سوايـا |
وارتشافـت قهوتـه انفـاسٍ تعـودت احتسيهـا |
نهر حسـنٍ ضفتـه ستـر وتواريخـه عرايـا |
صب في عروقـي وقامـت ترتويـه ويرتويهـا |
عنـدلٍ ب افراقهـا تكشيـره انيـاب المنـايـا |
كيف ما ابيع النفيس وضحكـه العمـر اشتريهـا |
حاولت لحظه مـن اللحظـات تنثرنـي ضحايـا |
كنها اللـي تنتصـر لجـروح حـوا وتحميهـا |
والخفوق اللـي رميتـه بينهـا وبيـن الخطايـا |
تشتهي جرحه وهو في عـز جرحـه يشتهيهـا |
كم بدت طفله تحب احلى القصص واحلى الحكايا |
قلت امر اشكي عليها الهم واصبحـت اشتكيهـا |
كم على الما والذهب والرمل والبيض الضمايـا |
انقشت قلب وسهـم وحـروف حـب تحتويهـا |
كم قـرت شعـري ولـدت للمرايـه والزوايـا |
الجديـل تبعثـره واحلـى الملابـس ترتديـهـا |
وش ورا همس الغمام ان قلت يا شـح العطايـا |
كل شـي مـن ملامحهـا يجينـي قبـل اجيهـا |
مـاذبـح تـفـاحٍ وفتـهـا مغاتـيـر النـوايـا |
من قصد قصده شريف ومـن ورد ماهـا يبيهـا |
علموهـا بـس ولا علـمـوا كــل البـرايـا |
انها اللي عوّد امـري مـن يدينـي فـي يديهـا |
والله ان تبطي وهي تختـال مـن بيـن الحنايـا |
مـره تسمـي علـيَ ومـره اسمـي عليـهـا |
|
الخميس يونيو 05, 2008 10:08 pm
