خوية درب عمري ما خذانـي دونـه النسيـان |
وانا يا اهل الملامه ما رغبت العيـش وحدانـي |
ابي لي مهرهٍ ماعسفت صغيره وبنـت حصـان |
ابوهـا اللـي يفـك المشكلـه ويزبـن الجانـي |
واخوهـا لا تعـزوا باسمهـا فزولـه العربـان |
يحق لها الفخر فـي قولـه آآل فـلان جدانـي |
ابيها فـي بحـر عشريـن لا زود ولا نقصـان |
ابيها اقصر طويله والوصـوف اشكـال الوانـي |
ابي الجبهه كما الصبح وكما القوس اسود الحجان |
وابيهـا ناعسـات ونرجسيـه سـود الاعيانـي |
ابي رمش كما ريشٍ يغطي الثلـج ف الاوجـان |
وابي جفن يشيـل الرمـش طربـانٍ وكسلانـي |
ابي خدٍ كمـا وردٍ تنمـا فـي طـرف بستـان |
وابي خشمٍ صغير مثـل حـد السيـف شامانـي |
ابي البسمه كما البرق وثناياهـا كمـا المرجـان |
وشفاهـا جمرتيـن وفمهـا خـاتـم سليمـانـي |
ابي شعرٍ مثل ذيـل الفـرس لا طبـت الميـدان |
او الشـلال لامـن بـات ليلـه بيـن الامتانـي |
ابي جيدٍ سـوات ابريـق فضـه ناتـقٍ مليـان |
وصـدرٍ كنـه مرايـه عليهـا طلـع رمـانـي |
ابي ظهر كما جدول وقـدٍ مثـل غصـن البـان |
وخصرٍ مثل مجـدول العنـان وجسـم رويانـي |
ابيهـا نابيـه ردفٍ وبطـن ضامـرٍ جـوعـان |
ابيها مدمجـتٍ سـاق وقدمهـا السـان ثعبانـي |
ابيها بنـت عـزٍ مـن رغدهـا ينعـم الفستـان |
ابي الرقه وابي الدقـه لهـا باطرافهـا شانـي |
ابي المشيه كما اَللي طالع من المعركـه كسبـان |
وابيها ترش مـع خطواتهـا مسـكٍ وريحانـي |
ابي صوتٍ الامنـي سمعتـه كـن فيـه الحـان |
يدغدغ مسمعي ويثير كل السحـر ف اشجانـي |
ابيها حب واخلاص وهواجيس وفرح واحـزان |
ابيها مثل ما دكتـور اهالـي العشـق وصانـي |
ابيهـا لوحـه مـا صورتهـا ريشـه الفـنـان |
ابيها جوهـره مـا جابهـا قاصـي ولا دانـي |
ابيها تنتصر لـي مـن زمـانٍ حطنـي نيشـان |
وتبشر بالغـلا اللـي مـا لفابـه واحـدٍ ثانـي |
مهرها قلـب وشعـر يهـز القلـب والوجـدان |
والبسهـا القصيـد وتصبـح اوزانـي وقيفانـي |
ابي اللي فات واللي فات صعب ومن لقا العنوان |
يرد العلم ولا افضـل ابقـى اعيـش وحدانـي |
|
الخميس يونيو 05, 2008 10:07 pm
