تدرين يا حلوه متى العاشـق يحـس بمهزلـه؟ |
لا جاه شيٍ مثـل شـي قـام يحدانـي حـدي |
ما اقسى من دموع اليتيم الا ذكر ضحكة هلـه |
ولا يهد مـن الفـراق الا الفـراق السرمـدي |
يا الورده اللي في شراييـن الحشـا متغلغلـه |
يا روحي اللي لو تبرت منـي اختـل جسـدي |
كونت لـك عالـم غـرام مـا دخلـه البلبلـه |
الا هديـرٍ ينتهـي بيـن الظـلـوع ويبـتـدي |
حتى اقرب اصحابي من اللوعه سهيت وقلتلـه |
يا الاجودي كف العذل ما في العواذيل اجودي |
انا اللـي استاهـل عناقيـد العنـب ي مدللّـه |
ليتك دريتي كيف عيني تذكـرك فـي مرقـدي |
يدنا من الغيم ان تغطرس واطول من السنبلـه |
يا اقرب كثير من الحكي وابعد شوي من الجدي |
ان جيت رحتي مقفيه وان رحت جيتي مقبله ! |
كم مت واليـا قلتـي احبـك تجـدد مولـدي |
دنياي انـا لـو تجتمـع لذاتهـا فـي مكحلـه |
والله مشهر لاي عينين غيـر عينـك مـرودي |
يـا ذابحتنـي كـل شـي الا الجفـا متحملـه |
يا كبر كذبت عزتي لو قلت اب ابعد وابعـدي |
قلبي لو اغديتيه فـي الصحـرا بليـا بوصلـه |
ما تاخذين الا وهو لاقصى ظلوعـك مهتـدي |
وان خاب ظني واخر المشوار جا مثـل اولـه |
بغمض عيوني وابحلم واقهـر الحـظ الـردي |
باحلامنا حتى آخـر المريـخ نقـدر نوصلـه |
الله لو نطلع بساط الريـح وايديـك فـي يـدي |
تخيلي روضٍ من اقصاه اجمل الـورد احملـه |
واهديه ليدين وظفايـر شيخـة الـورد النـدي |
تخيلـي نهـرٍ بـلا احجـارٍ تمثنـى جدولـه |
نبقى على جاله جلوس شوي وشـوي نعـدي |
تخيلـي بيـتٍ دفـاه مـن المواجـع والولـه |
ضحك وسواليف وسهر ومزوح وبساط احمدي |
تخيلي عشـقٍ عجـزت استوعبـه واتخيلّـه! |
كانه على هالحال ؟ ما عزالله ابشـر بسعـدي |
يا سيدة عشقي وانـا راعيـه راعـي الأولـه |
ما هي كثيره لـو تقوليـن انـت والله سيـدي |
|
|
|
|
|
|
الخميس يونيو 05, 2008 10:06 pm
